कूपर कॉर्पोरेशनकडून साताऱ्यात अत्याधुनिक ट्रॅक्टर प्लांटचे उद्घाटन, कंपनीचा पहिला ट्रॅक्टर देखील लाँच

या नव्या उपक्रमाबद्दलचे व्हिजन स्पष्ट करताना कूपर कॉर्पोरेशनचे चेअरमन आणि व्यवस्थापकीय संचालक फरोख एन. कूपर म्हणाले, “आज कूपर कॉर्पोरेशनसाठी ऐतिहासिक क्षण आहे, कारण आमचा पहिला ट्रॅक्टर लाँच करत आम्ही कृषी क्षेत्रात पदार्पण करत आहोत. कूपर ट्रॅक्टर एनडीसी सिरीज ही अनेक वर्षांचे संशोधन, नवकल्पना आणि भारतीय शेतकऱ्यांच्या गरजा पूर्ण करण्याचा आमचा सातत्यपूर्ण प्रयत्नांचे फलित आहे. जागतिक तंत्रज्ञान आणि स्थानिक गरजा लक्षात घेऊन तयार केलेला हा ट्रॅक्टर उत्पादकता वाढवण्यासाठी, कार्यक्षमतेत सुधारणा करण्यासाठी आणि कठीण शेती परिस्थितीत टिकाव धरण्यासाठी डिझाईन करण्यात आला आहे. साताऱ्याशी घट्ट नाळ असलेली कंपनी म्हणून आम्ही भारतीय कृषी क्षेत्राच्या वाढीस आणि शेतकऱ्यांच्या समृद्धीस हातभार लावत आहोत, याचा आम्हाला अभिमान आहे.”